claus soraperra

La Usc di Ladins 27.10.2017

Te mostra Mater Tirolensis Claus Soraperra rejona de valores e partegnuda. La mostra resta fora enscin ai 4 de november.

En sabeda ai 21 de otober al Kunstforum Unterland de Egna, na galarìa d’èrt ativa con sie mostres a l’an e pont de referiment per duta la Val de l’Adesc, l’é stat la prejentazion de la neva mostra de Claus Soraperra.

Ponta via dal tritich de eles, la beza, la sposa e la veia, Soraperra l’à volù sobito sotrissèr l segnificat de sia operes e del percors artistich fat aposta per Egna. L’à dit che l’à lurà su la femena e sui cheres desche simboi de l’identità del Sudtirol. L titol l’é Mater Tirolensis, per latin e no per ladin, talian, todesch o ingleis; latin lengaz de la Gejia e donca de la religion, chela religion che l’é per Soraperra un di elements più emportanc de l’identità sudtiroleisa. L Sudtirol belimpont vedù no demò desche na realtà teritorièla, ma ence na tera rica di valores catolics. Segur mìngol desche chela ladina.

Tel prum chèder, chel de la beza, Soraperra l’à dit che con chela fegura l’à volù depenjer la neva generazions; tel secondo chèder l’é na femena-sposa simbol del prum passage de la femena envers l percors per doventèr mère e dapò femenes con na identità “più da grignèr”: na femena con la lenga de fora e che sà più lengac, n’outa n saer tipich del Sudtirol, ades simbol de na femena/persona globalisèda; na femena con la maia de la nazionèla talièna, na sportiva che cogn conviver con chest sentiment anter identità sudtiroleisa e identità nazionèla; na femena con n “cucù” al post del cef simbol de na ejagerazion e na perduda totala de identità per colpa de n turism de massa che à ciapà ite noscia vites e ne à fat desmentièr de tegnir sù noscia reijes.

Te la sala di cheres enveze l Sacrò Cher de Gejù, protetor del Sudtirol aldò de n pat consacrazion, anchecondì l doventa più n simbol universèl de vardian de zeche de emportant, ma no più tant leà a sie segnificat religious. “L cher che aon ti portachieves – disc Soraperra – l’é segur n simbol de amor, ma no l conscidraron mai descheche aessa fat noscia giaves”.

De più su La Usc di Ladins de vender ai 27 de otober.

(vr)

La Usc di Ladins 20.10.2017

Con Mater Tirolensis l’artist contemporan da Grìes de Cianacei va inant te sia riflescion su l’identità. L’inaudazion de la mostra la é en sabeda ai 21 da les 20 a Egna.

L viac su l’identità che Claus Soraperra l’é dò a fèr con sia mostres l va inant. Dò “Identità” del 2015, “Ladinoentropia” del 2016 e “Liquids. Identità fluide nelle Alpi” de oril de chest an ades l’é vertech con “Mater Tirolensis”, na neva esposizion e riflescions enstoura su l’identità del Sudtirol.

L’artist enstouta l vegn fora con na riflescion emotiva su la trasformazions del popol tiroleis che l’à da semper na gran identità pojèda sul segnificat de la partegnuda storica. L’é na identità stolza e forta, durèda per se defener a livel nazionèl, ma che fosc anchecondì la vegn durèda per la formazion de na neva identità leèda più a na costion de marketing per se defener da la manaces de la globalisazion.

L vernissage l’é en sabeda chesta, ai 21 de otober da les 8 da sera al Kunstforum Unterland (Galaria de la Comunità comprenjoriala Oltradige Bassa Atesina, portici 26, Egna). La mostra resta fora enscin ai 4 de november con chisc oraries: da mèrtesc a sabeda da les 10 a les 12 e da les 16 a les 18.

De più su Mater Tirolensis su La Usc de vender ai 20 de otober.

(vr)

MATER TIROLENSIS Kunstforum Vernissage on Facebook

https://www.facebook.com/kunstforumunterlandbassaatesina/

https://www.bzgcc.bz.it/it/Mostra_-_Claus_Soraperra_-_Mater_Tirolensis_

MATER TIROLENSIS

Mater Tirolensis nasce come riflessione emotiva sostenuta da indagini storico-antropologiche sulla trasformazione ri-generativa di un popolo, quello tirolese che al proprio interno conserva principalmente un’identità fondata da sempre sul senso di appartenenza storica.

L’identità orgogliosa e tenace, vissuta fino ad oggi come un’arma per la propria difesa nazionale e religiosa, diviene oggi un interessante strumento per la formazione di un’eterogenesi nuova che cerca di diventare il marchio per il rilancio di un marketing a difesa di una identità che oggi con la globalizzazione si sente minacciata come non mai.

Mater Tirolensis l’è n projet che l vegn cà da n pensier emotif fat aldò de enrescides storiches-antropologiches dintornvia l mudament re-generatif de n popul, chel tiroleis che te sie daite l mantegn na identità soscededa dal sens de partegnuda storica.

L’identità stolza e tegnicia, vivuda fin anchecondì desche n’erma per sia defendura nazionela e religiousa, la doenta ades n strument interessant per der forma a chela eterogeneji neva che la proa a doenter parbuda comerziela e promozionela per meter a jir n marketing de defendura de na identità, che anchecondì co la globalizazion la se sent manaceda.

Mater Tirolensis, das aus einer emotional geprägten Überlegung heraus entstanden und gewachsen ist, die von geschichtlich - anthropologischen Aspekten ausgeht. Es geht um die regenerative Transformation eines Volkes, der Tiroler eben, deren Identität seit immer schon in den Tiefen der geschichtlichen Zugehörigkeit wurzelt. Diese von Stolz und Beharrlichkeit geprägte Identität, die bis heute als Schutzschild für die Verteidigung der eigenen Nationalität und Religion gelebt wird, mutiert zu einem interessanten Instrument einer neuen Heterogenese. Dieses Markenzeichen, das Tirolertum eben, soll zum Marketingobjekt werden, um in Zeiten der Globalisierung die eigene Identität zu verteidigen und zu schützen.

Mater Tirolensis born like an emotional thought, backed by historical-anthropological investigations on the re-generational transformation of the population, like the Tyrolean people who keep their population's identity that is based on the sense of historical belonging.
The proud and tenacious identity that has survived till now like weapon for its national and religious defense, becomes today an interesting tool for the formation of a new heterogeneity that tries to become the trademark for the revival of a defense brand of an identity that today with globalization feels intimidated like never before.